10 Unknown Facts of Ramayana

Hindu dharm ke Sabse bade mahakavya me gaur kiya jaye to Valmiki ji ki “Ramayana” aur Tulsidas ji ki “Ram Charitra Manas” ke alawa bhi aur bahut se mahapurushon ke dwara alag – alag languages me likhi gayi hain par sabse sateek baaten Valmiki ji ki “Ramayana” me hi milti hain Par kuch aisi baten hain jinhe is kavya me nahi likha gaya hai .

1- LAKSHMAN REKHA KA ZIKRA

Lakshman rekha ka jikra na to Valmiki ji ki Ramayana me aur na hi Tulsidas ji ki Ramcharit Manas me hai, Mandodari baad me ek jagha ishara jarur karti hain , magar kuch khas tavjjo nahi di gayi hai.

South(दक्षिण) ki Ramayana me bhi Ravan puri jhopadi ko utha le jata hai, jabki Bangal ki krtiwas(कृतिवास )Ramayana me aur Ramanand Sagar ke serial me bhi iska jikra kiya gaya hai.

LAKSHMAN REKHA KA ZIKRA

2- SABRI KE JOOTHE BEIR

Valmiki ji Ramayna aur Tulsidas ji ki Ramcharitra Manas ke anusar Ram Sabri ke yaha jakar beir khate to hain lekin ve beir jhoothe nahi hote. Jhuthe beir ki charcha sabse pahle 18वी sadi ke Kavi Priyadas ke kavya me likhi hui hai.Yah baat Gorakhpur ki Geeta Press me 1952 me prkashit hui kalyan book me chhapi hui hai.

SABRI KE JOOTHE BEIR

3- HANUMAN KA SAGAR PAAR KARNA

Valmiki Ramayan ke anusarHanuman ji ne sagar ko tairkar paar kiya tha ,magar Ramchritra Manas ke Sundar kand (सुंदर कांड) me Hanuman ji sagar ko langhkar(लांघकर ) paar karte hain ,kuki Tulsidas Hanuman ji ke jis naykatva(नायकत्व) ko janta me dikhana chahte the ,uske liye is tarah ka varnan jaruri tha.

HANUMAN KA SAGAR PAAR KARNA

4- AHILYA KA KIRDAR

Ahilya ki kahani bhi har Ramayan ke likhe jane ke samay ke sath-sath badli hai. Valmiki ji ki Ramayan ke pratham sarg me Ahilya ke samne Indra Rishi ka roop banakar aate hain ,fir bhi Ahilya janboojh kar unka virodh nahi karti hain. Isme dono ki sambhog kamna spast dikhayi padti hai.

AHILYA KA KIRDAR

South ki Kamb Ramayana ke anusar Ahilya ko sambhog ke beech me Indra ke hone ka pata to chalta hai lekin Rati ke nashe ke karan Ahilya ruk nahi pati hain.

Jabki Tulsidas ji ki Manas me Ahilya sirf Indra ka vaibhav dekhkar ek pal ko mohit ho jati hain .Indra unke sath puri tarah se chhal karte hain.

5- RAM NAHI ,LAKSHMAN MARTE HAI RAVAN KO

Jain parampra ke anusar devatma kabhi hinsa nahe kar sakte isliye पउमंचरिय (Jain Ramayan )me Ram Ravan ka wadh nahe karte , balki Lakshman se karwate hain. Laksham bhi Lakshman nahe hain , balki Vashudev ji hain jo Ravan ka uddhar karte hai, Iske baad Ram swarg ko prapt hote hain aur Laksham nark me jate.

RAM NAHI ,LAKSHMAN MARTE HAI RAVAN KO

6- RAM AUR SITA KA PUNARMILAN

Valmiki Ramayan me Sita akhiri samay me dharti me sama jati hain. रामकियन (Thailand ki Ramayan )me Sita ke bhumi me jane ke baad Hanuman ji jameen ke andar jate hain aur Sita ko wapas lekar aate hain, Is Ramayan me Sita ko dhobi ke kahne par nahi nikala jata hai.

Thailand ki Ramayan ke mutabik ,Shupnakha ki ladki apne maa ke apmaan ka badla lene ke liye dasi bankar Sita maa ke mahal me kaam karti hai aur ek din Sita maa se Ravan ki tasveer banane ke liye zor dalti hain ki vo Ravan ki tasveer banakar dikhaye ,Sita ji jab tasveer banati hain to vo tasveer jinda ho jati hai jise dekh kar Ram ji maa Sita par itna krodhit ho jate hain ki vo Lakshman ko Sita ji ki hatya ka aadesh de dete hain par Lakshman maa Sita ji ko na markar unhe jungle me chhod aate hain.

RAM AUR SITA KA PUNARMILAN

7- SHIV DHANUSH KO RAM NE BACHPAN ME HE TOD DIYA THA

Tulsidas ji ne apni Ramayana me yah likha hai ki , Bhagwan Shri Ram ji ne Sita Swayamwar me Shiv dhanush ko uthakar usme pratyancha chdhate samay us dhanush ko tod diya tha, Jabki Valmiki ji ki Ramayana me Sita Swayamwar ka koi zikra hi nahi hai .

Ramayana ke anusar Rishi Vishwamitra, Baghwan Ram aur Lakshman ji ko us Shivdhanush ko dikhane ke liye Mithila pahunche aur unhone Raja Janak se us Shivdhanush ko dikhane ka anurodh kiya aur Bhagwan Shri Ram ji ne khel –khel me hi us dhanush ko utha liya aur pratyancha chadhate samay dhanush toot gaya .Raja Jank ne yah pran liya tha ki jo bhi is dhanush ko utha le ga, usi se vo apni putri ka vivah kar Denge.

SHIV DHANUSH KO RAM NE BACHPAN ME HE TOD DIYA THA

8- SHRI RAM KA VANWAS

Jis samay bhagwan Shri Ram 14 sal ke liye vanwas ko gaye the ,tab unki age kewal 27 varsh ki thi. Raja Dashrath Shri Ram ko vanwas nahi bhejna chahte the ,per ve vachanbaddha the . Jab unhe Shri Ram ko rokne ka koi upay nahi mila, tab unhone Shri Ram se yah tak kah diya tha ki hey! Shri Ram tum mujhe bandi banakar khud is rajya ke Raja ban jao.

SHRI RAM KA VANWAS

9- JAB MAA SITA KA HARAN HUA

Jis din Ravan, Maa Sita ka haran karke unhe Ashok Vatika me laya tha, tab us raat ko Bhagwan Bramha ke kahne par Devraaj Indra Maa Sita ke liye kheer lekar aaye, pahle Devraj Indra ne ashok vatika ke sabhi daityon ko mohit kar sula diya .Uske baad Maa Sita ko kheer Arpan ki.

JAB MAA SITA KA HARAN HUA

10- DEVI-DEVTAON KI MANYTA

Hindu Dharma me 33crore Devi –Devtaon ki manyta hai , jabki Ramayana ke Aranyakand (अरण्यकांड ) ke 14 वें Sarg(सर्ग) ke 14 वें islok (श्लोक) me sirf 33 Devta hi bataye gaye hain. Uske anusar 12Aditya(आदित्य) , 8Vashu(वसु) , 11Rudra(रुद्र) aur 2Ashwini Kumar(अश्विनी कुमार) ,ye kul 33 Devta hai.

DEVI-DEVTAON KI MANYTA

To ye the “Ramayana” se jude 10 ansune tathya, agar apko hamari yah post pasand aye to hume comment section me comment jarur kare .

Agar aap hmare is Blog ki Video dekhna chahte hain to Neeche di gayi Link par click Karen.

Leave a Reply

Your email address will not be published. Required fields are marked *